شطورة
إزاى تعرفى السمك الطازج

إزاى تعرفى السمك الطازج

الأسماك بكل انواعها من الاكلات الاساسيه والمهمه والتى لا غنى عنها ابدا لانها  تحتوي على نسبة كبيرة من الفوسفور والكالسيوم و أوميجا-٣ الموجود  بنسبة عالية في السالمون والتونة والسردين 

يوجد نوعين من الاسماك :
سمك نيلى  زى البلطى والبياض والقراميط والسردين 
سمك بحرى  زى الوقار والهامور والقاروص والدينيس والمياس والبورى والتونه والمكرونه والمرجان وموسى
 

 شطوره هتقولك إزاى تعرفى الفرق بين السمك الطازه والسمك المتعفن   

السمك الطازه
* تعرفيه من ريحته يعنى متبقاش ريحته قويه ولا كريهه فريحته بتبقى قريبه من ريحه البحر الخفيفه.
السمك الطازه بيبقى لونه لامع وعيونه  بتبقى ليها لمعه وصافيه وبتبقى لونها أسود غامق وعليها طبقه لونها رمادى شفاف وكل ما يقل اللون الاسود كل ما تكون مش طازه .
* القشوره ملتصقه بجسمه وخياشيمه حمرا ورطبه لونها بيبقى فى لون كبد الدجاج الطازه وديله بيبقى جامد ولحمه طرى .
* اضغطى بصباعك على جسم السمكه فلو كانت طازه صباعك مش هيعلم على السمكه لانه اللحم الطازه بيبقى متماسك وهيرجع الى وضعه الطبيعى بسرعه بس لو متعفن صباعك هيعلم فيه .


معلومه : عمر السمكة الطازجة، لا يزيد عن اربعة او خمسة ايام فقط فاحترسى عند شرائك للاسماك


ابتعدى عن كل انواع السمك الفيليه فاذا اردتى أن تشتريه فاختارى بنفسك السمكه التى انتى عايزاها وخليه يقطعهالك قدامك 

المراجع :
http://www.wikihow.com/Buy-Fresh-Fish
http://www.dummies.com/how-to/content/how-to-buy-fresh-fish-and-shellfish.html
http://startcooking.com/how-to-buy-fresh-fish-and-seafood



التعليقات